Американската агенција за храна и лекови (ФДА) неодамна испрати сериозна порака до луѓето да престанат да користат ветеринарски лекови за лекување или спречување на Ковид-19 откако беа приметени нeколку случаи каде пациенти биле хоспитализирани откако користеле ивермектин, лек наменет за коњите, пренесува Ен-Би-Си.

„Не сте коњи, не сте крави. Серизоно, престанете“ напишаа од ФДА на нивниот Твитер профил.

You are not a horse. You are not a cow. Seriously, y'all. Stop it. https://t.co/TWb75xYEY4

— U.S. FDA (@US_FDA) August 21, 2021

За што инаку користи ивермектин?

Ивермектин, кој не е противвирусен лек, генерално се користи за лекување или спречување на паразитски заболувања кај животните.

„Овие лекови за животни најчесто се високо концентрирани бидејќи се користат за поголемите животни како коњите и крвите, кои многу повеќе тежат од човекот. Големите дози од лекот може да бидат отровни за луѓето“ велат од ФДА.

ФДА нагласи дека никогаш не одобрила ниеден облик на ивермектин за употреба или лечење од Ковид-19 кај луѓето, но во американските болници беа хоспитализирани неколку луѓе кои го користеле лекот наменет за животни.