ФБИ и Полска започнаа истрага за слетувањето на авионот во Белорусија

Федерално истражно биро (ФБИ) Фото: EPA/MICHAEL REYNOLDS

Федералното биро за истраги на САД (ФБИ) и Полска започнаа свои истраги за присилното слетување на авионот „Рајанер“ во Белорусија, соопшти литванскиот полициски оддел за криминални случаи.

ВИДЕО | Андоновиќ: Нови обвиненија против новинарот, војна околу цивилните рути над небото на Белорусија

– Покрај Полска, која ја започна својата предистражна истрага, ние ги потврдивме информациите од колегите од САД дека ФБИ започна и своја истрага – рече на прес-конференцијата шефот на полицискиот оддел, Роландас Кискис.

Борбен авион на белоруското воено воздухопловство беше испратен во неделата на 23 мај да пресретне патнички авион на компанијата „Рајанер“ и да го придружува до Минск.

„Протон технолоџи АГ”: Заканата со бомба била испратена откако белоруските власти го присилиле авионот на Рајанер да слета

По слетувањето, новинарот и дисидент Роман Проташевич беше уапсен, а авионот подоцна го продолжи летот кон Вилнус.

Белоруските власти тврдат дека од Швајцарија до авионот била испратена закана за поставена бомба.

Видео на денот