Фармерки на Леви Штраус извлечени од бродолом се продадени на аукција за 114.000 долари
Фармерки со пет копчиња, за кои се верува дека се направени од Леви Штраус или некој од неговите работници за време на „златната треска“ во Калифорнија, се продадени на аукција во американската сојузна држава Невада за 114.000 долари, пишува „Њујорк тајмс“.
Фармерките како и повеќе од 300 вредни артефакти кои биле понудени на аукцијата, се пронајдени во остатоците на познатиот параброд „Централна Америка“, кој потонал во 1857 година.
A pair of work pants that sold for $114,000 at an auction this month after being pulled from an 1857 shipwreck could be an early version of Levi Strauss jeans, auction officials said — though a historian for the company said that was “speculation.” https://t.co/1N8ntuuaEI pic.twitter.com/L8TT5UOJLH
— The New York Times (@nytimes) December 11, 2022
Паробродот познат и како „златен брод“ потонал во 1857 година под налетот на ураганскиот ветер недалеку од брегот на Јужна Каролина. Во моментот на несреќата на паробродот имало повеќе од 600 патници и членови на екипажот, а во бродската несреќа загинале 425 лица. Во длабочините на океанот е пронајдено и вистинско богатство – илјадници фунти калифорниско злато и други вредни предмети стекнати во периодот на „златната треска“ во Америка.
Потонатиот брод „Централна Америка“ бил пронајден во 1988 година, а откриеното богатство претходно лежело на дното на океанот повеќе од 150 години.
Во златниот кофчег имало 3.100 златни монети, 45 златни прачки и 36 килограми златен прав, како и бројни вредни предмети. По ова откритие, пронајденото злато со децении било чистено од ‘рѓа и нечистотија во специјални лаборатории, а потоа дел од него било продадено на аукција одржана во 2018 година.
Паробродот „Централна Америка“ е изграден во средината на 19 век и за првпат е лансиран во 1852 година. Бил долг 85 метри, а првично бил именуван „С.С. Џорџ Лоу“. Иако низ децениите биле организирани бројни експедиции во потрага по потонатиот брод, тој бил пронајден дури во септември 1988 година, благодарение на истражувачката група предводена од ловецот на богатство Томи Грегори Томпсон.