Фанови на Мусолини во новата италијанска влада
Италијанската премиерка Џорџа Мелони назначи неколкумина осведочени почитувачи на фашистичкиот диктатор Бенито Мусолини, вклучувајќи помладиот министер кој беше фотографиран во лента со свастика за членови на нејзиниот нов владин тим, објави „Политико“.
Потегот на Мелони предизвика бран на гнев кај антифашистичките активисти, што според аналитичарите може да ги поткопа обидите на Мелони да изгради бренд на сигурен и умерен лидер на светската сцена.
Контроверзноста доаѓа во чувствителен момент за новата италијанска премиерка, додека таа се подготвува за својата прва посета со лидерите на ЕУ во Брисел оваа недела.
Мелони ги именуваше своите нови министри во понеделник, а тие ќе положат заклетва во среда. Говорејќи на прес-конференција, таа истакна дека тие биле избрани „по заслуга“. Но, неколку од назначувањата, предизвикаа протести од опозициските политичари и антифашистичката организација АНПИ.