Вечерниот сообраќај кон Грција повторно се усложнува поради најавена четиричасовна блокада на граничниот премин „Евзони“-„Богородица“.

Според најавите, преминот ќе биде блокиран од 18:00 до 22:00 часот вечерва по македонско време, поради протестите на грчките земјоделци. Иако блокадата формално се однесува на товарниот сообраќај, грчките медиуми предупредуваат дека можно е создавање колони и доцнења и за автомобилите.

Ограничувања се најавени и на други гранични премини во северна Грција, меѓу кои и „Ники“ („Меџитлија“). За утре, 6 јануари, се најавува непречено движење, но земјоделците најавуваат нови протести и можни блокади по православниот Божиќ. На граѓаните им се препорачува, доколку е можно, да го одложат патувањето за Грција вечерва или да се информираат за состојбата пред поаѓање.