Европски шампион прави трансфер во редовите на Јувентус
Мануел Локатели кој досега ги бранеше боите на Сасуоло, од новата натпреварувачка сезона ќе ги брани боите на „Старата дама“.
Ова го тврди Фабрицио Романо, новинарот за трансфери на својот Твитер профил. Се очекува Јувентус за 23-годишниот играч од средниот ред да плати 35 милиони евра.
Истиот извор вели дека Локатели ќе го носи дресот на торинскиот клуб до јуни 2026 година. Јувентус официјално треба да го потврди трансферот во следните денови.
Локатели играше со репрезентацијата на Италија на Европското првенство каде што успеа да ја освои титулата.
Пред да се пресели во Сасуоло, играше и за Милан од 2016 до 2019 година со 48 настапи и два голови.
Manuel Locatelli to Juventus, done deal confirmed and here-we-go! Total agreement completed with Sassuolo for €35m plus add ons. Contract until June 2026. ⚪️⚫️🇮🇹 #Juventus
Official announcement in the next few days. Done deal. pic.twitter.com/ge7nUgXGOc
— Fabrizio Romano (@FabrizioRomano) August 17, 2021