Денеска во Хајделберг од 16.00 часот ќе се игра вториот натпревар од квалификациите за ЕХФ Европската лига помеѓу Рајн Некар Левен и РК Вардар 1961.

Скопските „црвено-црни“ се пред елиминација, германскиот гигант со една нога е во групите на Европската лига откако славеше убедливо на првиот меч во Скопје со резултат 25:34.

Македонскиот претставник предводен од тренерот Владо Недановски има тешка задача пред себе во обидот да ја анулира високата негатива против еден од најдобрите европски ракометни клубови.

Победникот од овој двомеч ќе игра во групата „А“ заедно со Нант (Франција), Кристијанштад (Шведска) и Бенфика (Португалија).

Составот на РК Вардар 1961 за денешниот натпревар против Рајн Некар Левен: Јагуриновски, Георгиевски, Карапалевски, Томовски, Јасухира, Лазаревски, Срдановиќ, Николиќ, Петриќ, Ѓукиќ, Стојановски, Алонсо Гарсија, Нилтон Мело, Мишевски, Гогов.

ЕХФ Европска лига
Квалификации

Иштад (Шведска) – Хановер Бургдорф 28:33/21:30
Тримо Требње (Словенија) – Брага (Португалија) 31:29/26:29
ЧСМ Констанца (Романија) – Гранољерс (Шпанија) 27:29/25:22

Вардар 1961 (Македонија) – Рајн Некар (Германија) 25:34/(денеска 16.00 часот)
Агуаш С.М. (Португалија) – Винтертур (Швајцарија) 24:22/(денеска 17.00 часот)