Македонската А репрезентација за првпат ќе игра на едно Европско првенство кое официјално ќе започне на 11 јуни, а дебито ќе се случи на 13 јуни во Букурешт против Австрија.

Во групата „Ц“ нашите „рисови“ ќе ги одмерат силите уште со селекциите на Украина и Холандија.

Како што е најавено, утре (25 мај) избраниците на селекторот Игор Ангеловски ќе го имаат собирот. Закажани се два тест натпревари, во Скопје со Словенија на 1 јуни и три дена подоцна против Казахстан.

Поранешниот репрезентативец на Македонија, Ванче Шиков вели дека оваа репрезентација покажа дека може да игра против секого. Последниот доказ беше големата победа во Дуизбург во рамките од квалификациите за Светското првенство против Германија (1:2).

– Овој историски пласман треба да го искористиме, да отидеме ослободени без никаков притисок и мислам дека само така може да дојдеме до добри резултати. Оваа репрезентација покажа и докажа дека може да игра против секого.

Искреко јас се надевам на поволен резултат против Украина и Австрија. Знаеме дека Холандија е фаворит, но и со нив не дека немаме шанси, но мислам дека со Австријците и Украинците треба да ја бараме шансата за бодови – ни изјави Шиков.

Илијоски: Пред сѐ треба да уживаме и да одиграме најдобро што знаеме на ЕП

Ангеловски го објави списокот на играчи за настап на Европското првенство