Еурофарм Работник го промовираше Остроушко (ФОТО) – Слободен печат
РакометСпорт

Еурофарм Работник го промовираше Остроушко (ФОТО)

И официјално дел од битолскиот ракометен клуб е украинскиот лев бек Владислав Остроушко кој и минатата сезона ги бранеше боите на Еурофарм Работник.

Лани во ЕХФ Купот Остроушко за Еурофарм Работник постигна 41 погодок во групната фаза. Денеска Еурофарм Работник го промовираше како нов играч за натпреварувачката сезона 2019/20.

Оваа сезона ракометарите на тренерот Стефче Алушовски ќе играат во групната фаза од Лигата на шампионите, а дебитираат и во СЕХА Газпром лигата.

Во својата професионална кариера Остроушко беше дел турската екипа на Селка Ескишехир, швајцарскиот Кадетен Шафхаузен. полскиот Азоти-Пулави, белорускиот Мешков Брест, романската Баја Маре, белорускиот Динамо Минск, рускиот Ст. Петерсбург.

Во ЛШ битолчани се наоѓаат во групата Ц со Савехоф, Татран Прешов, Кокс, Бисадоа Ирун и Спортинг. Првиот меч ќе го имаат в недела на 15 септември во спортската сала „Боро Чурлевски“ против португалскиот Спортинг од 17.00 часот.

Имаа успешен старт во регионалното натпреварување, на домашен терен со 34:29 славеа против руската екипа на Спартак Москва.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close