– Потребни ни се повеќе напори ова да се запре, а насочувањето на тој труд треба да биде на Турција. Од моментот кога Турција ќе биде исклучена од еднаковоста ќе бидеме поблиску до примирје и враќање на преговарачката маса, нагласи Саркасијан говорејќи за вмешаноста на Анкара во судирите на азербејџанските и ерменските сили во Нагорно – Карабах.

Саркисијан пристапот на Турција и Азербејџан го нарече „етничко чистење“ со цел Нагорно-Карабах да се исчисти и заземе.

Ерменскиот лидер ја обвини Турција за уништување на рамнотежата кој е поставена со повеќедецениското примирје, велејќи дека механизмот на примирје би успеал да не беше Анкара.

Сакрисијан предупреди дека „сите ќе бидат погодени“ доколку не се реагира на меѓународно ниво и да се запре Турција, која се заканува дека од регионот ќе создаде „нова Сирија“.

Судирите на ерменските и азербејџанските сили во Нагорно – Карабах ескалираа на 27 септември, а во борбите се пријавени жртви на двете страни, вклучувајќи и цивили.

Претседателот на Азербејџан Илхам Алиев предупреди денеска дека Ерменија ја има последната шанса да се повлече од Нагорно-Карабах и да се врати на преговарачката маса.

Властите во Ерменија изразија подготвеност да ги продолжат преговорите, но без било какви предуслови.