Енцо Мареска ќе биде нов тренер на фудбалерите на Манчестер сити, Италијанецот ја презема функцијата од Пеп Гвардиола и ќе ги води „Граѓаните“ до јуни 2029 година.

Оваа вест ја објави новинарот Фабрицио Романо, кој тврди дека Сити ќе даде официјално соопштение во наредните денови.

– Мареска веќе потпиша тригодишен договор како нов тренер на Манчестер сити. Договорот важи до јуни 2029 година, а ново поглавје е на прагот да започне во Сити, со Мареска целосно вклучен во стратегијата за трансфери, 100% потврдено – стои во објавата на Романо.

Предводени од Гвардиола, оваа сезона играчите на Манчестер Сити завршија на второто место во Премиер лигата. „Граѓаните“ се бореа со Арсенал за титулата, но момците на Микел Артета ја освоија шампионската титула по пауза од 22 години.

Мареска како тренер на Челси лани успеа да ги освои Конференциската лига и Светското клупско првенство.