Време е за големото шоу, за многумина можеби и најголемиот фудбалски натпревар на планетата, Барселона против Реал Мадрид во финалето на Суперкупот на Шпанија што ќе се игра на стадионот „Крал Абдулах Спортс Сити“ во Џеда, Саудиска Арабија, денеска од 20.00 часот.

Барса влегува во финалниот меч во одлична форма. Играчите на Ханси Флик забележаа пет последователни победи. Само пред неколку дена, Каталонците убедливо славеа над Атлетик Билбао со 5:0 во полуфиналето. Пред тоа, во Ла Лига, триумфираа против Еспањол (2:0) и Виљареал (2:0), а во Кралскиот Куп ја совладаа Гвадалахара.

И „кралевите“ се исто така во серија од пет последователни победи. Тимот на Чаби Алонсо во ова натпреварување во полуфиналниот дуел беше подобар од градскиот ривал Атлетико со 2:1.

Пред патувањето во Саудиска Арабија, Бетис беше прегазен со 5:1, а беа надиграни и екипите на Севиља и Алавес.

𝐈𝐓’𝐒 𝐄𝐋 𝐂𝐋𝐀𝐒𝐈𝐂𝐎 𝐅𝐎𝐑 𝐀 𝐓𝐑𝐎𝐏𝐇𝐘 🏆🇪🇸

Barcelona and Real Madrid go head-to-head to decide who will win their first trophy of the year 🥵

The last 4 El Clásico finals in the Spanish Super Cup:
Barcelona 🏆🏆
Real Madrid 🏆🏆

𝗪𝗛𝗢’𝗩𝗘 𝗬𝗢𝗨 𝗚𝗢𝗧? 👀 pic.twitter.com/7kFfUrbPsQ

— 433 (@433) January 10, 2026

Неодамнешните статистики ѝ даваат на Барса мала предност, но Реал го имаше последниот збор.

Навивачите сè уште се сеќаваат на спектакуларните 5:2 за Барса во минатогодишниот Суперкуп, како и на болните 4:0 среде Мадрид на есен 2024 година. Денес, сепак, влогот е трофеј, а во таков натпревар минатото останува во втор план.