Екстремисти убија петмина полицајци во Пакистан: се криеле во шума, почнале да пукаат кога поминале патролите
Милитанти убија пет полицајци во северозападниот дел на Пакистан во средата, соопшти полицијата, додека јужноазиската земја се соочува со нов бран на исламистичко насилство, објави „Ројтерс“.
Препорачано
Од полицијата наведоа дека биле нападнати при враќање од операција против милитанти на периферијата на градот Дера Исмаил Кан.
Милитантите, кои се криеле во шума, отвориле оган врз полициските патроли, соопшти полицијата.
Во возвратниот напад, полицијата убила четворица од милитантите, се наведува во соопштението.
Никој не ја презеде одговорноста за нападот.
Голем терористички напад во Пакистан – напаѓач се разнесе во џамија, има над 30 жртви
Градот се наоѓа на работ на округот Вазиристан, долж авганистанската граница, кој со години е упориште на исламистички милитанти, главно локални Талибанци, познати и како Техрик-е-Талибан Пакистан (ТТП).
Насилството на милитантните групи е во пораст откако ТТП го раскина прекинот на огнот со Исламабад кон крајот на 2022 година.
Во петокот, самоубиствен бомбашки напад усмрти повеќе од 30 луѓе во џамија во Исламабад.
