Еклстоун би примил куршум за Путин, Формула 1 се огради
Поранешниот шеф на Ф1 даде вџашувачка изјава за рускиот претседател, што предизвика брза реакција од канцеларијата на Формула 1
Формула 1 издаде официјално соопштение со кое се оградува од изјавата на Берни Еклстоун (91) во однос на геополитичката ситуација во светот.
– Коментарите на Берни Еклстоун се само негово лично гледиште и се разликуваат многу од позицијата и сегашните вредности на нашиот спорт – стои ви официјалната изјава на Ф1.
Претходно Еклстоун на ТВ-програмата „Добро утро Британија“ јавно изјави дека го поддржува рускиот претседател, додавајќи дека „подготвен е да прими и куршум за Путин“. Оваа изјава предизвика многу реакции, меѓу другото и од канцеларијата на Ф1.
Ова не е првпат Фрмула 1 да се оградува од изјавите на бившиот шеф. Во 2020 Берни предизвика огорченост кога за Си-Ен-Ен изјави дека во многу случаи црните луѓе се поголеми расисти од белите луѓе. Ф1 тогаш одговори дека не е време за вакви изјави кога е потребно единство во борбата со расизмот.