Жена вработена во кавадаречко јавно претпријатие ќе одговара откако, според полицијата, проневерила над 9.000 евра од претпријатието.

Како што информираат од МВР, ОВР Кавадарци, до Основното јавно обвинителство Кавадарци, поднесе кривична пријава против В.Д.(48) од Кавадарци поради постоење на основано сомнение дека сторила кривични дела „проневера во службата” и „затајување”.

Пријавената В.Д., вработена како благајник во Јавно претпријатие за комунални работи Кавадарци, во периодот од 22.09.2025 до 31.10.2025 проневерила вкупно 568.684 денари (околу 9.250 евра) од претпријатието, велат од полицијата. Ова значи дека во тие четириесетина дена, осомничената благајничка дневно ја „олеснувала“ касата со која била задолжена за околу 225 евра.

„Дел од парите од дневниот промет од наплатните пунктови по основ на платени сметки за водоснабдување и комуналии, кои ѝ биле доверени во службата, не ги внесувала на банкарска сметка на претпријатието, односно дел задржувала за себе, а останатиот дел го внесувала на сметката и на тој начин го оштетила јавното претпријатие за наведената сума“, велат од Обвинителството.

Ицко од Секирци едвај куртули во борба со мечка – му откинала дел од носот и скалпот