На турнирот во Кањижа требаше да настапи и Вардар, а се очекуваше да играат и Нексе и Пик Сегед. Сега по откажувањето на турнирот тренерот Стевче Алушовски ќе може да ја воигрува екипата единствено на турнирот во Струга што е планирано да се одржи од 12 до 16 август.

Истовремено Алушовски размислува и за договарање на уште неколку дополнителни контролни натпревари овој месец. На 29 август е планирано во Скопје да се одигра реванш четвртфиналниот натпревар од СЕХА  лигата со Нексе.
Тоа е заостанат меч од минатата сезона, а победникот од тој двомеч ќе игра на завршниот турнир на Ф4 планиран за почетокот на септември во Задар, Хрватска.

– Ние се подготвуваме и го очекуваме тој натпревар. Засега нема други најави и ја темпираме формата за тој натпревар и за Ф4 турнирот – изјави Алушовски за клупскиот сајт.

Екипата тренира во Скопје каде ќе остане се до заминувањето за Струга.