Еден од клучните играчи на Арсенал, Деклан Рајс, се најде во непријатна ситуација надвор од фудбалските терени. Англискиот фудбалер беше санкциониран од полицијата и заработи шестмесечна забрана за управување со автомобил, откако во рок од една недела двапати ја пречекорил дозволената брзина.

Првиот прекршок бил регистриран кога Рајс возел со 59 километри на час во зона каде што ограничувањето изнесувало 30 км/ч. Само неколку дена подоцна, тој повторно бил забележан зад воланот, овојпат со брзина од 79 км/ч на делница каде што биле дозволени 65 км/ч.

Поради строгите британски сообраќајни прописи, фудбалерот остана без возачка дозвола, а дополнително ќе мора да плати и парична казна во износ од 2.000 фунти.