Никој не може со сигурност да предвиди кој ќе победи во натпреварот меѓу Шпанија и Аргентина. Финалето на ова Светско првенство е едно од најизедначените во последните години.

Сепак, фудбалски стратег како Пеп Гвардиола точно знае каде лежи клучот за тимот на Луис де ла Фуенте да го освои посакуваниот трофеј. Тој зборуваше на оваа тема во едно неодамнешно интервју.

„Ако Родри го прикаже своето најдобро издание во средниот ред, заедно со Педри и Ламин Јамал, тогаш Шпанија може да ја направи разликата“, изјави каталонскиот стручњак, кој одлично го познава играчот за врска, бидејќи седум сезони му беше тренер во Манчестер сити.

Гвардиола се осврна и на Ламин Јамал, кој неодамна имаше проблеми со повреда.

„Ламин Јамал доаѓа малку под очекувањата во однос на физичката подготвеност поради неодамнешните повреди. Но, ако се земат предвид неговите години, тој има неверојатна способност да се справи со притисокот и може сам да го реши натпреварот“, истакна Гвардиола.

Тој откри и дека во моментов не размислува за враќање на тренерската работа по десетте години минати на клупата на Манчестер сити.

„Почнав на 37 години во Барселона, а сега имам 56. Имам потреба да правам нови работи. Во моментов сум многу среќен“, рече Гвардиола.

Сепак, јасно порача дека еден ден повторно ќе се врати на „Етихад“.

„Еден ден, секако, повторно ќе се вратам на стадионот ‘Етихад’. Но, сега сакам да бидам зад сцената. Ако некогаш им бидам потребен, тука сум“, заклучи Гвардиола.

Мундијалски дрес на Пеле продаден за речиси пет милиони долари, но Марадона остана далеку пред него