Македонскиот фудбалер Бесир Исени е нов член на шкотски Ливингстон, кој официјално го потврди неговиот ангажман преку клупските канали.

Исени во Шкотска пристигнува од косовски Дукаѓини, каде што настапуваше во изминатите две сезони, а со Ливингстон потпиша договор со важност до 2028 година.

Од клубот изразија задоволство од реализираниот трансфер и порачаа дека очекуваат македонскиот интернационалец да биде значајно засилување во составот за новата сезона.

Пред настапите во Косово, Исени го носеше дресот на албанска Тирана, а две сезони беше дел и од македонскиот прволигаш Струга Трим Лум.

Ливингстон минатата сезона испадна од шкотската Премиер лига, a клупските амбиции се експресно враќање во елитното друштво и во таа мисија ќе сметаат и на придонесот на македонскиот фудбалер.