Џенифер Лопез низ животот добила дури шест свршенички прстени – од Ојани Ноа, Крис Џад, Шон „Диди“ Комбс, Алекс Родригез и, секако, двапати од Бен Афлек. Иако нема многу среќа во љубовта и бракот, изгледа дека решила своето богато љубовно минато да го претвори во профитабилен бизнис-потег.

Така, Џенифер Лопез стана заштитно лице на турскиот бренд за накит „Зен Дајмонд“ (Zen Diamond). Позирајќи во бела невестинска венчаница со откриени рамена и со блескав прстен на венчалниот прст, 56-годишната ѕвезда доби улога глобална амбасадорка на брендот познат токму по својот луксузен свршенички накит.

 

View this post on Instagram

 

A post shared by ZEN Diamond Albania🇦🇱 (@zendiamond.albania)

Како што пишува „Пејџ сикс“, новата соработка ќе ѝ донесе околу 10 милиони долари за промоцијата на нивните свршенички прстени. Иако звучи многу, во светот на суперѕвездите ова се смета за релативно скромен износ, особено за личност од нејзиниот ранг. Извор близок до странките кои ја договарале соработката открил дека пејачката и актерка во минатото без проблем склучувала многу попрофитабилни договори.

Наводно, претходно заработувала 20, 30, па дури и 50 милиони долари од рекламни ангажмани.

„Таа не е некој што е очаен и има потреба од пари. Сакам луѓето да зборуваат за неа“, изјавил изворот, потврдувајќи дека со овој потег Лопез всушност посакувала да „дигне прашина“ и повторно да биде тема на разговор.