Дурент и следната сезона во екипата на Бруклин нетс
Заврши летната НБА сага, еден од најдобрите кошаркари во светот, Кевин Дурент и понатаму ќе го носи дресот на Бруклин нетс.
Дурент побара да ги напушти Нетси на крајот на јуни годинава, а од сопственикот Џозеф Цаи побара да го смени тренерот Стив Неш и генералниот менаџер Шон Маркс доколку сака да го задржи.
Цаи ја одби таквата понуда, по што се шпекулираше каде Дурент би можел да ја продолжи кариерата и во игра беа безброј опции.
Меѓу оние кои беа најблиску до доведување на играчот во своите редови, се издвојуваа Бостон, Торонто и Феникс.
Се чини несогласувањата се решени. Дурент се пресели во Нетс пред три години од Голден стејт, со кој освои две шампионски титули (2017 и 2018 година) и двапати беше прогласен за МВП на финалето на НБА.
Breaking: Kevin Durant has reached an agreement with the Nets to stay in Brooklyn, the team announced. pic.twitter.com/q1rQn1bG7D
— ESPN (@espn) August 23, 2022