Кевин Дурант се најде во центарот на вниманието, овојпат поради изјавата поврзана со НБА Ол-стар викендот, но и со Никола Јокиќ и Лука Дончиќ.

Во ноќта зад нас, Хјустон беше поразен од Лос Анџелес клиперс со 105:102, а Дурант натпреварот го заврши со 21 поен, осум скока и шест асистенции. Сепак, повеќе од неговиот учинок, одекна она што го кажа по мечот на прес-конференцијата.

Запрашан дали на претстојниот Ол-стар ќе игра сериозно и натпреварувачки, како и дали тоа го очекува од останатите ѕвезди во повозрасните играчки години, Дурант даде одговор што предизвика реакции.

„Тоа треба да ги прашате Европејците и членовите на „Тимот на светот“, дали тие сакаат да се натпреваруваат. Погледнете ги Лука Дончиќ и Никола Јокиќ како се однесуваат на НБА Ол-стар. Дали тоа е натпреварувачки?“, изјави Дурант.

„Никогаш не сме се запрашале што прават тие, но затоа постојано се преиспитуваат Американците. Ги имаме тие двајца момци, Јокиќ и Дончиќ, кои како воопшто да не се заинтересирани за кошарката. Лежат на паркетот, шутираат од половина терен, а потоа сите се грижат дали поискусните играчи ќе настапат сериозно и борбено. Јас читам меѓу редови, само морав ова да го кажам“, додаде Дурант.

НБА Ол-стар викендот ќе се одржи претстојниот викенд во Лос Анџелес, а останува да се види дали изјавата на Дурант ќе внесе дополнителна тензија во спектаклот.

Fun moment w/Kevin Durant postgame. I asked if his self-proclaimed “Old Heads” team will play hard in All-Star Game.

KD says he can “read between the lines.”

“You should ask the Europeans + the World Team if they want to compete. Look at Luka Doncic + Nikola Jokic, let’s go… https://t.co/bCpLobUUFE pic.twitter.com/xUuU8AEeVQ

— Michael Shapiro (@mshap2) February 12, 2026

Леброн Џејмс за првпат по 20 години нема да го почне „Ол-стар“ натпреварот во НБА