Дурант: Понекогаш го мразам циркусот во НБА – Слободен печат
КошаркаСпорт

Дурант: Понекогаш го мразам циркусот во НБА

Новиот кошаркар на Бруклин нетс, се опоравува од тешката повреда на ахиловата тетива поради која ќе ја пропушти цела сезона.

Кевин Дурант летово одлучи да го напушти Голден стејт вориорс и како слободен играч потпиша за Бруклин нетс, но поради повредата на ахиловата тетива ќе ја пропушти новата сезона. Тој во интервју за „Вол стрит журнал“ зборуваше за пречекот по зминувањето од Оклахома сити тандер но исто така призна дека понекогаш го мрази циркусот во НБА лигата.

– Има денови кога го мразам цискусот во НБА лигата. Има денови кога мразам што играчите дозволуваат славата која доаѓа од настапите во НБА да го променат начинот на размислување за кошарката. Понекогаш не сакам да бидам во близина на луѓето од управите на екипите и политиката – вели Дурант.

Дурант првите девет години од кариерата ги помина во Оклахома сити тандер и во тоа време дури четири пати беше најдобар стрелец во лигата, а во 2014 година го доби и МВП признанието. Навивачите го обожуваа, а тој со задоволство прифаќаше да биде дел од многу хуманитарни акции. Но, во 2016 година одлучи како слободен играч да потпише за Голден стејт кои неколку недели претходно ги исфрлија Дирант и Оклахома сити од плејофот. Тој потег не му го простија ниту навивачите ниту екипата.

– Кога се вратив, ме пречека токсична атмосфера во салата. Луѓето од клубот, тренерскиот тим, гардероберите, никој не сакаше да разговара со мене иако поминав девет години во тој клуб. Сè уште се прашувам зашто така реагираа – открива Дурант.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close