Дресот што го носеше легендарниот Пеле на финалето на Светското првенство во 1958 година ќе биде ставен на аукција во „Сотбис“ од 29 јуни до 16 јули, а се проценува дека ќе се продаде за над шест милиони долари.

Пеле го носеше синиот дрес со кратки ракави во победата на Бразил од 5-2 над домаќинот Шведска во финалето на Светското првенство 1958 кое се одигра на стадионот „Расунда“ во близина на Стокхолм. Пеле, тогаш 17-годишен, постигна два гола во финалето.

Пеле му го подарил дресот на својот цимер и соиграч Диди по финалето. По децении поминати во семејството на Диди, дресот бил изложен во музеј пред да биде купен од анонимен сопственик во 2004 година.

Дресот на Пеле потенцијално би можел да ја надмине рекордната цена од 9.29 милиони долари, колку што беа платени за дресот на аргентинската легенда Диего Марадона од натпреварот против Англија на Светското првенство во 1986 година, кога го постигна легендарниот гол познат во светот на фудбалот како „Божја рака“.

Повеќе голови од Мбапе до 24 години постигнал само Пеле