Драстично поскапуваат горивата, бензинот со историски највисока цена
Малопродажната цена на бензинот ЕУРОСУПЕР БС-95 се зголемува за девет денари по литар, додека на безоловниот бензин ЕУРОСУПЕР БС-98 се зголемува за 9,50 ден/лит,соопшти денеска Регулаторната комисијата за енергетика (РКЕ), додавајќи дека поскапува и дизелот, за девет денари за литар.
Со тоа, малопродажната цена на ЕУРОСУПЕР БС-95 од полноќ ќе изнесува 104,00 ден/лит, додека малопродажната цена на ЕУРОСУПЕР БС-98 изнесува 106,50 ден/лит. Литар дизел ќе чини 95 денари.
Цена на екстралесното масло за домаќинство (ЕЛ-1), се зголемува за осум и пол денари за литар и ќе изнесува 93 денари.
Драстичното поскапување доаѓа откако Владата денеска не ги продолжи антикризните мерки со кои беше намалена цената на горивата. Во исто време, од полноќ истекуваат и другите мерки околу цените на храната, со што се очекува и нов бран поскапувања на прехранбените производи.