Вистинска драма се случувала денеска во центарот на Атина, каде вооружен маж пукал и ранил неколку луѓе, соопштија грчките власти, објави ЕРТ.

Во тек е потрага по напаѓачот, кој, според извештаите на грчките медиуми, има 89 години.

Полицијата соопшти дека осомничениот, вооружен со пушка, прво отворил оган во канцеларијата за социјално осигурување во центарот на Атина, каде ранил еден вработен. Полицијата која пристигнала на местото на нападот му помогнала на ранетото лице, а напаѓачот успеал да избега.

Постои сомневање дека истиот напаѓач подоцна отворил оган на приземјето од судската зграда во Атина, каде што биле ранети неколку лица, соопшти полицијата, додавајќи дека таму била пронајдена пушка.

🚨‼️🇬🇷 #Shooting #Athens #Greece – 89-YEAR-OLD GUNMAN ON THE RUN AFTER 5 PEOPLE SHOT IN CENTRAL ATHENS…

Police said that the man was armed with a shotgun and had initially opened fire at the EFKA Kerameikos social security office in the centre of the Greek capital at around… pic.twitter.com/j9UacWH4jr

— Leanne (@LeanneSpurs) April 28, 2026

Снимките од државниот радиодифузер ЕРТ њуз покажаа персонал за итни случаи како носи најмалку три лица од судот до амбулантните возила.

Мотивот за нападот не е јасен. ЕРТ објави дека напаѓачот наводно фрлал пликови со документи на подот по пукањето во судот и рекол дека тоа е причината за неговото дејствување.

Поседувањето оружје во Грција е дозволено, но е строго регулирано, пишува агенцијата АП.

Фатален љубовен триаголник во Грција: 20-годишен војник со нож убил син на полицаец поради девојка – Слободен печат