Петчлено семејство од Србија преживеало голема драма за време на својот одмор на Ситонија на Халкидики.

Според грчките медиуми, експлодирал глисерот на кој се возело семејството во раните утрински часови, а кратко потоа бил целосно опожарен.

Едно од децата било исфрлено во водата од експлозијата, мајката скокнала со двете други деца, а таткото и инструкторот се обиделе да го пренесат глисерот до брегот.

Сите петмина Срби биле пренесени во најблиската болница, а едно од децата е префрлено во клиничкиот центар во Солун.

Грчките крајбрежни служби и полицијата ги испитуваат причините кои довеле до овој настан.