Доминација на Јамајка на женскиот спринт: Томпсон-Хера ја одбрани олимписката титула на 100 метри
Спринтерката од Јамајка, Илејн Томпсон Хера триумфира на најатрактивната спринтерска трка на атлетските наптреварувања на Игрите во Токио.
Томпсон-Хера победи во финалето на 100 метри со време на нов олимписки рекорд 10.61 секундии тоа пред својата сонародничка и двојна олимписка шампионка Шели Ен Фрејзер –Прајс која истрча 10:74 секунди. Доминацијата на спринтерките од Јамајка ја комплетира Шерика Џексон која го освои бронзениот медал со време од 10:76 секунди. Далеку на четвртото место се пласира Мари-Жозе Та Лу со 10.91 секунда.
Во финалето во фрлање диск доминираа Швеѓаните. Нов олимписки шампион во фрлање диск е Даниел Стол, а златниот медал му го донесе фрлањето во втората серија од 68.90 метри.
Стол на овој начин ја потврди доминација во фрлање диск бидејќи победи и на СП во Доха 2019 година. На второто место се пласира неговиот сонародник, Симон Петерсон кој дискот во петтата серија го фрли 67.39 метри, а неочекувано со бронзен медал се закити Лукас Вајшадингер со далечина од 67.07 метри.
Први победици во мешовитата штафетна трка на 4х400 метри се Полјаците. Штафетата во состав Карол Залевски, Наталија Качмарек, Јустина Свјити и Кајетан Душински триумфираа со време од 3:09.87 минути. Второто место и припадна на штафетата на Доминиканска Република додека бронзениот медал го освои САД.
