Фудбалската асоцијација на Белгија го назначи Доменико Тедеско за нов селектор на машката фудбалска репрезентација. Поранешниот селектор на Лајпциг ќе ја води Белгија до крајот на Европското првенство во 2024 година.

Италијанскиот стратег клупата доаѓа на местото на Роберто Мартинез, кој на почетокот на декември поднесе оставка по елиминацијата во групната фаза на Светското првенство во Катар.

– Голема чест ми е да бидам нов селектор на Белгија. Навистина се радувам на работата и многу сум мотивиран. Имав многу добро чувство уште од првиот разговор – изјави 37-годишниот Тедеско.

Во својата кариера покрај Лајпциг раководеше со Ерзгебирге Ауе, Шалке и Спартак Москва.

Белгија првиот натпревар во квалификациите за ЕП 2024 година во Германија ќе го одигра на 24 март во Стокхолм против Шведска.