Качамак е традиционално македонско јадење што се прави од пченкарно брашно, а се служи со сирење, млеко, кајмак, сланина, џимиринки… има безброј варијации. Јадење со кое пораснале многу генерации, а најчесто се служи за појадок. Се прави брзо, па секогаш е прв избор кога размислувате што да јадете. Ова јадење спаѓа во традиционалните јадења во Македонија, Србија, Црна Гора, Босна и Херцеговина, Турција.

Во качамакот може да се додаваат разни прилози како што се: сирење, пржена свинска маст, пржена сланина, џимиринки, кисела павлака и кајмак. Ова е вкусен бакрданик подготвен на македонски начин.

Состојки:

– 200 грама пченкарно брашно
– 500 мл
– сол
– 50 грама сува сланина
– 100 грама тврдо сирење
– 2 лажици џимиринки
– 2 лажици кајмак или кисела павлака

Подготовка:

Во тенџерето сипете вода и посолете. Кога ќе зоврие, постепено додавајте го брашното и постојано, малку побрзо мешајте со жица за матење, притоа намалете го огнот. Гответе ја кашата околу 5 минути. Потоа намалете ја температурата и мешајте додека смесата не се згусне. Тргнете од оган. Во тавче исечкајте ја сланината да се растопи додека не стане крцкава. Извадете ја сланината и додадете ги џимиринките во маснотијата да се загреат добро, внимавајќи да не изгорат. Тргнете од ринглата. Во садот во кој ќе послужите, на дното ставете малку сирење и кајмак и одозгора сипете ја кашата. Ставете малку џимиринки и пржена сланина. Во средината повторно додајте сирење, павлака, сланина и џимиринки. Дополнете со качамак и поросете со сирење, додајте ги кајмакот или павлаката, џимиринките и сланината.