Домашен ајвар со коцка за супа: Нетипичен, а превкусен рецепт
Ајварот е апсолутен владетел на трпезата во зима. Домаќинките низ цела Македонија го сметаат за неизоставен во празничните и славските денови, а постојат неколку начини да се подготви.
Препорачано
Ви донесуваме еден нетипичен рецепт што ги освои домаќинките, а станува збор за подготовка на ајвар со коцка за супа (бујон).
Состојки:
– 5 кг сечкани пиперки
– 3 литри вода
– 150 г оцет
– 150 г шеќер
– 100 г сол
– 0,5 литри масло
– 1 чаша сенф
– 2 коцки за супа (според рецептот, се користи пилешка коцка)
– конзерванс (според желба)
Подготовка:
Во ладна вода сипете ги оцетот, солта, шеќерот и двете коцки за супа.
Кога водата ќе зоврие, додајте ги пиперките и варете околу 10 минути.
Потоа процедете ги пиперките и измелете ги (во машина или блендер).
Така измелената смеса сипете ја во тенџере со загреано масло, па пржете ја.
Додајте ја чашката сенф (може и помалку) и еден конзерванс (ако го користите) и продолжете да готвите, мешајќи, додека ајварот да ја добие посакуваната густина.
