Градоначалникот на општина Карпош Стевчо Јакимовски склучил договор со туристичка агенција за „Хотелски и угостителски услуги за потребите на општина Карпош“.

Вредноста на договорот е 700.000 денари или близу 12.000 евра, со време траење од една година или просечно по 1.000 евра месечно за хотелски и угостителски услуги што ќе ги добива општината, односно градоначалникот, советниците и дел од вработените во администрацијата, пишува Цивил.

Во време на најголема криза, кога постојат препораки за штедење и намалување на трошоците за службени патувања, Јакимовски одвојува 12.000 евра за ручеци и службени патувања.

Истовремено, карпошани секојдневно на социјалните мрежи се жалат за уличното осветлување во општината кое е намалено односно исклучено како резултат на одлуката на општината Карпош да воведе сериозни рестрикции на осветлувањето  како мерка за штедење на парични средства.