Добра жрепка за Металург, Криенс е последна пречка пред Лигата на Европа

фото: РК Металург

Екипата на Металург доби противник по мерка во второто квлаификациско коло кое е последен филтер пред групната фаза од ракометната Лига на Европа.

Металурзите“ за противник го добија швајцарскиот Криенс од Луцерн што претставува одлична можност Металург да обезбеди пласман во групната фаза и да му се приклучи на Еурофарм Пелистер кој не игра квалификации и рејтингот на македонскиот ракомет му овозможи директен пласман во ЛЕ.

Швајцарскиот тим исто како и Металург во првото коло беше поуспешен од хрватски претставник, екипата на Дубрава која ја совлада во двата натпревари, со 29:27 и 28:19. Металург во првото квалификациско коло беше поуспешен од Спачва.

Првиот натпревар ќе се игра на 22. септември во Скопје, а реваншот е една недела подоцна во Луцерн.

Видео на денот