Од понеделник, 18 мај, па до средината на јули во општина Аеродром ќе се спроведува акција за бесплатно собирање кабаст отпад.

Јавното претпријатие за комунални дејности на Аеродром, во наредните два месеца на повеќе локации низ општината ќе поставени специјални садови каде граѓаните ќе можат да го одложуваат стариот и дотраен мебел.

Акцијата ќе започне во населбата Мичурин, каде на 18 и 19 мај контејнери за кабаст отпад ќе бидат поставени на улица „Анастас Митрев“ зад паркот до трансформаторот и на улица „Венјамин Мачуковски“ – до трансформаторот кај Железничката станица.

Казна од 20.000 евра за фирмата која нелегално фрлаше градежен шут во Долно Лисиче

Наредните два дена, поточно на 20 и 21 мај, контејнерите за кабаст отпад ќе бидат на располагање на жителите на населбата Острово и ќе бидат поставени на две локации на улицата лоцирани на улицата „Владимир Комаров“ – на број 9  до контејнерите и зад ТЦ „Скопјанка“.

Со оваа акција им овозможуваме на жителите организирано и бесплатно отстранување на кабастиот отпад, а истовремено придонесуваме за почиста околина и спречување на создавање диви депонии – велат од Општината.

Распоред на локации на контејнери за кабаст отпад