Генералниот директор на Светската здравствена организација, Тедрос Аданом Гебрејесус го осуди националистичкото присвојување на идната вакцина против коронавирус.

Според него вакцината треба да биде општа, вообичаена алатка која ќе му овозможи на човештвото да се бори против пандемијата.

„Националистичкото присвојување на вакцината не е добро. Не може да ни помогне. Потребен е глобален консензус за вакцината да биде јавно добро. На тоа, не треба да се гледа како на давање за добротворни цели. Тоа е и давање за себе, затоа што кога светот ќе се лекува и ќе се отвори, сите ќе имаат корист“. изјави Гебрејесус.

Постојат 26 кандидати за вакцини во различни фази на тестирање, вклучувајќи и шест „во добра фаза“, потврди директорот за итни случаи на СЗО Мајкл Рајан, изразувајќи умерена надеж за успех.