Производството на руската вакција против ковид-19, „Спутник v“ во Италија ќе достигне и 10 милиони дози месечно, најави денеска директорот на центарот „Гамалеја“, Александар Гинцбург.

– Производството на вакцинјата „Спутник V“ што е договорено во Италија е со многу големи размери и до мај ќе достигне десет милиони месечно, рече Гинцбург, пренесува агенцијата ТАСС.

Тој додаде дека во моментот има разговори за производство на „Спутник V“ и во други земји-членки на Европската Унија, меѓу кои и Германија и Франција, но потенцира дека истите се наоѓаат во рана фаза.