Џенова му понуди нов договор на „Гранде“ Пандев!
Горан Пандев на Европското првенство ги имаше последните настапи за македонската А репрезентација, на дуеот со Холандија и официјално стави крај на репрезентативната кариера.
37-годишниот Пандев најголемиот дел од клупската кариера ја има поминато во Италија, со Интер во 2010 година ја освои Лигата на шампионите, воедно тој е најдобриот стрелец во историјата на нашата сениорска селекција со 38 голови од 122 настапи.
За Џенова настапува од 2015 година и досега има 156 настапи со 28 погодоци. Сезонава успеа да обезбеди опстанок со клубот во најсилната италијанска Серија А.
Неговиот важечки договор со екипата истекува на 30 јуни, а се очекува во следните денови нашиот сега поранешен репрезентативец да ја донесе конечната одлука дали ќе ја продолжи соработката или не.
TMW, il Genoa ha presentato un contratto annuale a Pandev – https://t.co/Kytr28yXbS pic.twitter.com/1r8ggUSf8c
— pianetagenoa1893.net (@pianetagenoa) June 24, 2021
Вечерва италијанските медиуми пренесуваат дека Џенова му нуди нов договор на Пандев кој би траел до 2022 година.
Тренерот Давиде Балардини и првиот човек на клубот Енрико Прециози не се откажуваат така лесно од искуството на „Гранде“ Пандев кој минатата сезона (2020/21) ја заврши со седум погодоци од 29 настапи со важен придонес за останување во елитата на Апенините.
ВИДЕО: Ти благодариме Пандев, и Снајдер со аплаузи за македонската фудбалска легенда!