Џеј Ло во проблеми – Поради една фотографија ќе мора да плати 150.000 долари
Фотоагенцијата „Splash News an Picture Agency“ одлучила да ја тужи Лопез поради користење на авторски права. Латино дивата пред две години објавила една од фотографиите на агенцијата на својот Инстаграм профил на стори без нивна дозвола.
Станува збор за фотографија на која Џеј Ло и нејзиниот вереник Алекс одат по улиците на Њујорк. Според тужбата поднесена од американскиот сојузен суд во Калифорнија, Лопез никогаш не добила дозвола од агенцијата да ја објави таа фотографија.
„Тужителот никогаш не ја дал фотографијата на Лопез на користење. Џенифер Лопез бев дозвола или пак некој кој објавува на нејзиниот профил, ја копирал фотографијата и ја објавил на нејзиниот официјален профил на Инстаграм во 2017-та година“ – стои во соопштението.
Со оглед на тоа што оттогаш поминале две години, од агенцијата тврдат дека тогаш ја предупредиле Џеј Ло и нејзините менаџери, но тоа тие не го сфатиле сериозно.
Од агенцијата бараат 150.000 долари отштета и забрана за Лопез и нејзиниот тим повторно да ја објават таа фотографија.
