Девојката што падна од балкон во Тетово била малтретирана од таткото – тој сам се пријавил во полиција
Девојката која пред три дена падна од балкон во Тетово и итно беше пренесена во болница, била малтретирана од нејзиниот татко, соопштија од тетовската полиција. Според информациите, таткото синоќа сам се пријавил во полиција.
Препорачано
„На 16.03.2026 во 21:20 часот во СВР Тетово сам се пријавил А.А.(47) од Тетово и со него бил извршен службен разговор. Имено, постапувајќи во врска со настанот од 14.03. во кој 19-годишна девојка од Тетово падна од балкон од куќата на нејзиниот дедо и која беше пренесена во Комплексот клиники „Мајка Тереза“ во Скопје, полициски службеници дошле до сознанија, односно било констатирано дека девојката била психички и физички малтретирана од нејзиниот татко А.А.“ соопшти СВР Тетово.
Девојка од Тетово паднала од балкон – со тешки повреди е однесена на Клиника – Слободен печат
По насока од јавен обвинител А.А. е пуштен и по целосно документирање на случајот против него ќе биде поднесена соодветна пријава.
