Маж и жена од Скопје, кои се сопружници, ќе одговараат откако 46-годишниот маж подолго време ја силувал 16-годишната поќерка, а жената, нејзината мајка, го дозволила грозоморното изживување и покрај тоа што девојчето од неа барало помош.

„Осомничениот очув на жртвата подолг временски период ја злоупотребувал својата положба и го наведувал на обљуба и други полови дејствија девојчето родено 2009 година кое му било доверено на чување и воспитување. Кон дејствијата придонела и мајката на девојчето, која иако знаела, ниту го пријавила, ниту го спречила осомничениот во дејствијата. Со тоа не го заштитила детето од злоупотребите, иако девојчето во повеќе наврати барало помош од неа“, велат од Обвинителството.

„Предметниот јавен обвинител предложи на осомничениот очув да му биде определена мерка притвор, додека за осомничената мајка се предложени мерки на претпазливост. Јавниот обвинител ќе се координира со Центарот за социјални работи за да се преземат дејствија за згрижување на трите малолетни деца во семејството, вклучувајќи ја и жртвата“, се додава во соопштението од ОЈО.

Ужас во Скопје: 46-годишен маж ја силувал малолетната поќерка