Десерт за празничната трпеза: Чоколаден божиќен венец
Празничен десерт кој покрај тоа што совршено ќе ве заслади, ќе биде и прекрасен украс на божиќната трпеза.
Состојки:
За тесто:
– 2 јајца
– 300 мл млеко
– 4 лажици шеќер
– 7 г сув квасец
– 1 лажица масло
– прстофат сол
– 1 лажичка екстракт од ванила
– 700 г брашно
За прелив:
– 1 мала кутија течно чоколадо
– 1 лажица цимет
Подготовка:
Ставете го квасецот да стаса со малку млако млеко, 1 лажица шеќер и 1 лажица брашно. Одвојте една жолчка за премачкување, па другото јајце и белката изматете ги и додајте им го млекото, па потоа квасецот и екстрактот од ванила. Просеаното брашно со прстофат сол додајте го во течната смеса и замесете тесто. Премачкајте го со масло, оставете го да стаса. Развлечете кора, намачкајте ја со чоколадо, посипете со цимет и завиткајте ролат. Исечете го по должина, па исплетете ги двата дела во венец. Ставете го венецот во плех со хартија за печење да стаса. Потоа премачкајте го со жолчка, посипете со малку шеќер и печете го во рерна загреана на 170 степени.
Добар апетит!