„Deep Purple“ објавија нова песна: Слушнете ја „Nothing at All” (ВИДЕО)
Се ближи објавувањето на 21-от студиски албум на познатиот британски хард рок бенд „Deep Purple“…
Препорачано
Албумот под назив „Whoosh!“, во продукција на дискографската куќа „earMUSIC“, ќе излезе на 7-ми август, а бендот го објави новиот сингл „Nothing At All“.
Продуцентската палка повторно ја презема канадскиот продуцент Боб Езрин, кој работеше и на последните два албуми на бендот: „Now What!“ од 2013 и „Infinite“ од 2017 година.
Албумот „Whoosh!“ ќе биде достапен во лимитирано издание CD+DVD кое вклучува и едночасовен разговор со Роџер Гловер и Боб Езрин и исто така уникатно, за првпат, комплетно видео од настапот на бендот на фестивалот „Hellfest“ кој се случи во 2017 година. Исто така, ќе биде достапна и верзија на грамофонска плоча и DVD, а воедно албумот ќе може да се набави и во дигитална верзија.
– Овој албум вклучува материјали кои најмногу ги израдуваа членовите на бендот, вклучувајќи го и Боб Езрин. Отсекогаш уживавме да создаваме нова музика и да го пренесеме тоа задоволство на нашите лојални обожаватели, изјави гитаристот Стив Морс.
