Откако ова лето беше објавено дека раперот д-р Дре и неговата сопруга Никол Јанг по 24 години решиле да стават крај на својот брак, сега се појавија деталите за овој, се чини „пеколен“ развод.

Никол, која поднесе барање за развод, од музичарот чие богатство се проценува на 800 милиони долари побарала алиментација во износ од два милиони американски долари месечно.

Како што пренесуваат странските медиуми, Јанг побарала пристап до неговите деловни документи, но Дре го одбил тоа барање.

„Тој се обидува да ја среди ситуацијата и да се извлече од сè. Тој сака да ја остави скоро со ништо“, изјави нејзиниот адвокат за „Daily Mail“.

Имено, Д-р Дре тврдел дека, според предбрачниот договор што го потпишале во 1996 година, неговите работни обврски биле само негова работа.

„Никол не беше вработена за време на нивниот брак, кој траеше 24 години, туку беше дома и се грижеше за децата. За време на бракот, нивниот имот порасна на скоро милијарда долари, а тој сега не сака да ѝ даде ништо“, објасни нејзиниот адвокат.

Никол и Дре се венчаа во 1996 година. Тие заедно имаат две деца, синот Труси и ќерката Трули, а Дре покрај нив има уште пет деца со други жени.