Цукерберг го „претрка“ Бафет: Додека акциите на „Фејсбук“ скокаа, „Беркшир Хатавеј“ изгуби 50 милијарди долари
Корона кризата речиси во цел свет ги „заплетка конците“, па дури и на славниот и искусен инвеститор Марк Цукерберг како и на Ворен Бафет.
Некој е победник, а некој губитник, но сега на сите им е јасно дека технолошките компании „најдобро поминаа“, бидејќи се фокусирани на онлајн свет, гејминг, забава, социјални медиуми.
Еден од оние кои претрпија голем број економски удари секако е Ворен Бафет, чија компанија „Беркшир Хатавеј“ ги придаде своите акции на четири најголеми американски авио компании, и остана „покуса“ за 50 милијарди долари.
Од друга страна пак, основачот на „Фејсбук“, Марк Цукерберг, не е загрозен од корона кризата, па за време на карантинот акциите на популарната социјална мрежа пораснаа.
Според индексот на „Блумберг“, Цукерберг зад себе сега ги остави не само Бафет, туку и Бернар Арно, претседател и извршен директор на Луи Витон.
Најновите листи го велат следново: Нето вредноста на Марк Цукерберг во моментов изнесува 87,8 милијарди долари, потоа е Арно со 81,1 милијарда, и на крајот е Бафет со 68,9 милијарди долари.
Пред само една година, ситуацијата беше поразлична. Најмладиот од тројцата имаше богатство од 72,5 милијарди долари. Арно располагаше со 89,6 милијарди, а Бафет со 83,5 милијарди долари. Всушност до пред еден месец и Арно и Бафет подобро котираа од Цукерберг.
Цукерберг во април имаше 68,1 милијарда, а Бафет 74,3 милијарди долари. Арно беше со 80,2 милијарди.