Циркус: Конте по крајот на сезоната ги нападна челниците на Интер

Поранешниот италијански селектор смета дека клубот не ги заштити него и играчите и дека не ја ценат доволно неговата работа.

Со Антонио Конте никогаш не е досадно, неговиот Интер заврши на второто место во Серија А со само еден бод заостаток зад шампионот Јувентус кој титулата ја обезбеди пред неколку кола, но тој повторно не е задоволен.
Интер оваа сезона ја намали разликата во одност на претходната кога завршија со 20 бода помалку од Јувентус.

– Секоја чест на играчите, напредувавме, но мораме да бидеме паметни и да не славиме бидејќи разликата помеѓу нас и Јувентус е огромна. Ние примивме најмалку голови, но тие и понатаму се најсилни. Имаат инфраструктура на теренот и надвор од него, а ние се обидуваме да го направиме истото – вели Конте кој веднаш го нападна сопствениот клуб.

– Лично не сум задоволен. Мислам дека мојата работа не е признаена како ни работата на фудбалерите, не сме заштитени од клубот. Мораме да разговараме за тоа, морам да се видам со претседателот кој се наоѓа во Кина
– смета тренерот на „нероаѕурите“.

Прочитајте и...  Митревски и Порто ремизираа против Киелце

Конте вели дека неговата разочараност не е поради трансферите. Тој сезонава неколку пати влезе во вербална војна со спортскиот директор Џузепе Бебе Марота бидејќи не сака да ги донесе играчите кои ги бара Конте. Тренерот го сака Артуро Видал на што се противи Марота поради големата плата, а Конте е разочаран што клубот му ги донесе Кристијан Ериксен и Сандро Тонали иако тој е против овие трансфери.
– Имам визија, знам што треба да правам. Не смее да не фаќа еуфорија поради една сезона, но доколку ги правиме истите грешки – ништо нема да направиме – додава Конте.

Несогласувањата на Коте со Марота не се непознати за италијанската јавност, тие двајца имаа јавни полемики и додека беа во Јувентус и медиумите сметаат дека поради тоа тренерот си замина од Торино. Конте исто така водеше своја „војна“ со најмоќната жена во светот на фудбалот, Марина Грановскаја во Челси, и по само две сезони мораше да си замине од „Стемфорд бриџ“.

Прочитајте и...  МЗТ Скопје: Ново првенство и веднаш нова глупост на Перо Антиќ

Поврзани вести

МЗТ Скопје: Ново првенство и веднаш нова глупост на Перо Антиќ

Слободен печат

Легендата на Јунајтед стравува: Може 15-20 години да чекаме на титула како Ливерпул

Слободен печат

Зверев се брани од нападите дека е насилник: Олга лаже дека ја тепав

Слободен печат

Тотален крах на Борис Бекер: Заработуваше милиони, а сега може да го изнајмите за 2.700 денари и да добиете часови од поранешниот тренер на Ѓоковиќ

Слободен печат

Бензема му се извини на соиграчот за кого бараше да не му ја даваат топката

Слободен печат

Кими Раиконен останува во Формула 1 и наредната година

Слободен печат

Остави Коментар