Царовска: Роковите да домашните платежни картички не може да се променат
– Платежните картички нема да пропаднат но рокот за користење на средствата ќе биде пократок. Во моментов Владата нема моќ да ги промени роковите утврдени со Уредба со законска сила, вели вицепремиерката Царовска.
Приговорите за домашните платежни картички нема да пропаднат, граѓаните ќе ги остварат своите права, но периодот на трошење на средствата ќе биде пократок ако не се изнајде друго решение, соопшти вицепремиерката за економски прашања, Мила Царовска.
Одговорајќи на новинарско прашање, Царовска објасни дека во моментов Владата нема моќ да ги продолжи роковите за користење на картичките зашто тие се дефинирани во уредби со законска сила.
Вицепремиерката нагласи дека се очекува поскоро формирање на владата и парламентарниот состав, за да може да се донесе и четвртиот пакет мерки за економска поддршка.
Заклучно со 25 јули се издадени над 300.000 домашни платежни картички. Сите приговори се обработени и од вкупно поднесените 46.000, прифатени се 9.200.