Царовска: Имаме зголемување на платите кај повеќе од 106 илјади работници за декември

Месечната сума на издвоени средства од Буџетот за оваа мерка, што директно се трансферираат во фондовите за здравствено и пензиско е 200 милиони.

За декемвриската плата имаме зголемување кај повеќе од 106 илјади работници во нашата држава, со што е остварен таргетот помеѓу 20 и 25 проценти од вработените во реалниот сектор да добијат зголемување на плати од 600 до 6.000 денари врз основа на мерката за субвенционирање на придонеси за раст на плати.

Ова го изјави вицепремиерката за економски прашања Мила Царовска, која заедно со директорката на УЈП Сања Лукаревска денеска ги посети просториите на компанијата „Даути комерц” во Сарај, која е корисник на мерката за субвенционирање на раст на платите.

– Го остваривме таргетот којшто го поставивме за само два месеци. Очекувам оваа мерка и понатаму да ги остварува очекувањата и во текот на целата година овие работници ги земаат повисоките средства. Месечната сума на издвоени средства од Буџетот за оваа мерка, што директно се трансферираат во фондовите за здравствено и пензиско е 200 милиони. За декемвриската плата се исплатени нешто повеќе од 150 милиони, што значи дека сè уште имаме можност за вклучување на  работници во буџетските рамки, изјави Царовска.

Прочитајте и...  Од денес во Поликлиника Чаир, а до крајот на неделата и во „Млин Балкан“ ќе се врши тестирање за коронавирус

Очекувањата, подвлече таа, се остварени и очекуваме во статистичките извештаи да се покаже дека растот на плати има убава, забрзана тенденција, со што директно влијаеме на подобрување на квалитетот на живеење и животниот стандард на нашите граѓани.

Директорката на УЈП Сања Лукаревска рече дека даночниот обврзник „Даути комерц” е евидентен пример за успешноста на мерката субвенционирање на придонеси.

– Зборувавме и за оние даночни олеснувања, ослободувања кои што ги испромовира Владата, и дали ги имаат искористено. Можам да кажам за првпат во овој даночен обврзник информираме дека од 1 мај УЈП ќе направи еден интегриран систем, каде што МПИН образец ќе се поврзе со Е-пдд системот и врз основа на тоа сите приходи односно исплати коишто доаѓаат од Данокот на личен доход ќе бидат во еден систем. Мислам дека функционираме единствено да ги направиме сите процеси во УЈП да бидат едноставни, брзи и лесни, изјави Лукаревска.

Прочитајте и...  Втор ден полициски час од 16 часот - празни улици во главниот град (ВИДЕО)

Директорот на „Даути комерц” Хамим Даути, ја поздрави мерката за субвенционирање на платите, посочувајќи дека 71 процент од вкупно 340 вработени биле опфатени со мерката.

– Тоа беше еден добар мотив да се подигнат платите и да бидат сите задоволни. Зголемени се платите за 12 проценти. Просечната плата во „Даути комерц” денеска е над 25 илјади денари, изјави Даути.

Прочитај повеќе

Австрија забрани употреба на хотелите за туризам

Слободен печат

Нови три смртни случаи од коронавирус во Србија

Слободен печат

Трипуновски ја повика Владата да помогне во пласманот на зелката

Слободен печат

Курти: Ова е најсериозната ситуација по војната во Косово

Слободен печат

Комерцијална банка објави замрзнување на кредитите

Весна Дамчевска

„Ронтис” додели 500 визари за здравствените работници во Велес

Слободен печат

Остави Коментар

Прочитај повеќе

Спасовски: Од денеска ние сме НАТО

Нетанјаху е во самоизолација

Слободен печат

КСС предлага намалување на платите за сите именувани и избрани лица

Слободен печат

Се бара решение за откупот на јагнињата и распределбата на хуманитарната помош во Дебар

Слободен печат

Столтенберг: Добредојдовте во НАТО

Слободен печат

Статистиката на денот за бројот на новозаболени од утре ќе се соопштува до 15 часот

Слободен печат