Српскиот кошаркарски гигант Црвена звезда е во разговори со нашиот плејмејкер Ненад Димитријевиќ, така барем пренесува италијанскиот новинар Лука Д`Алесандро.

Претседателот на белградскиот клуб, Небојша Човиќ пред неколку недели објави дека Звезда гледа во „дворот“ на Валенсија, а се покажа дека се работи за македонски репрезентативец.

Димитријевиќ во шпанската АЦБ лига имаше просек од 9,4 поени и 4,2 асистенции по меч, а освен во Валенсија, играше и за Хувентуд.

Станува збор за играч кој е висок 190 сантиметри и има 24 години. Тој е стандарден репрезентативец на Македонија.

Останува да видиме дали тој ќе стане новото засилување на Црвена звезда.

KK Crvena Zvezda Belgrade in talks with Nenad Dimitrijevic

— Luca D'Alessandro (@LucaDa18) July 24, 2022