Црвена звезда сака дополнително да го засили тимот за групната фаза од Лигата на шампионите, а според англиските медиуми прв пик е Мејсон Гринвуд.

Гринвуд отпадна од првиот тим на Манчестер јунајтед по обвинувањата за сексуално вознемирување. Иако судот оцени дека е невин, младиот Англичанец нема иднина на „Олд Трафорд“.

Останатите клубови од Премиер лигата исто така се скептични околу ангажирањето на 21-годишниот фудбалер, па „Дејли мејл“ пренесува дека српскиот првак Црвена звезда сака да ја искористи таа ситуација.

Италијанскиот Лацио наводно влегол во преговори со Гринвуд, но договорот пропаднал. Се нагласува дека играчот побарал годишна плата од 750.000 евра, што е цифра која белградските „црвено-бели“ можат да ја платат.

Гринвуд помина низ младинската академија на Манчестер јунајтед, а дебитираше за репрезентацијата на Англија во 2020 година, на 19-годишна возраст.