Ракометарите на Вардар со победа ја започнаа новата сезона во Европската лига на ЕХФ, совладувајќи го хрватскиот претставник Сесвете во вторникот со резултат 34:29 (19:15).

Иако скопските „црвеno-црни“ на моменти си ја комплицираа играта, на крајот сепак ја потврдија својата класа и ја оправдаа фаворитската улога пред домашната публика.

Публиката во салата „Јане Сандански“ повторно беше „осмиот играч“ и со громогласна поддршка ја испрати првата европска победа оваа сезона.

Тренерот на Вардар 1961, Иван Чупиќ може да биде задоволен од резултатот, но најави дека тимот ќе мора да работи на концентрацијата во одредени делови од натпреварите:

– Имаше моменти кога сами си го комплициравме мечот, но важно е што покажавме карактер и завршивме како што доликува на Вардар – со победа. Оваа победа ни носи самодоверба за натпреварите што следуваат – изјави Чупиќ по мечот.

Во следното коло од групата Ф Вардар на 21 октомври ќе гостува кај францускиот Тулуз, кој на стартот на домашен терен загуби со 30:28 од шведскиот Кристијанштад.